Dhanaan.com: Warar lagu kalsoon yahay iyo faaqidaad dhexdexaad ah!

afar ka tirsan ciidamada amaanka ee k/Afrika oo lagu xir-xirey cape town kadib dhac ay u geysteen muwaadiniin soomaaliyeed

waxaa saakey oo khamiis ah aroornimadii xabsiga magaalada cape town loo taxaabey afar nin oo katirsan ciidamada amaanka k/afrika ayagoo lagusoo eedeeyey dhac bareer ah oo ay u geysteen xarun ganacsi oo ay leeyihiin muwaadiniin soomaaliyeed, xaruntan ganacsi oo ku taal wadada layiraahdo ingwe street, 'du noon'

ayaa waxaa saakey soo buux dhaafiyey askar fara badan oo arintan daba-socota. salmaan c/qaadir oo ah milkiilaha dukaankan askartu dhacdey ayaa u sheegay wariyeyaal kasocday CAPETIMES

inuusan ka shakin askarta burcada ah markii ay dukaankiisu yimaadeen, wuxuu yiri xaley 6-dii maqribnimo ayey noo yimaadeen ayagoo wata baabuur bileys ku calaamadeysan wexayna xirnaayeen dharka booliska markii ay goobta soo galeen afartooda hoosta ayey inoogu xireen

albaabada ayagoo markii hore nagu yiri waxaan baareynaa hub sharci daro ah iyo alaabo fake ah markii danbe xaaladu wexey isu bedeshay handadaad iyo gacan ka hadal,

cabdi xasan oo ah kalkaaliyaha dukaanka ayaa isna yiri waxey amar
igu siiyeen inaan u furo khasnada keydka lacagaha iyagoo xoog ku qaatey lacago caddaan ah iyo airtime gaaraya boqolaal doolar. afhayeenka booliska magaalada cape town Mr daphne dell ayaa xaqiijey iney afar kamida askartooda loo xirey dhacdadan, mar laweydiiyey in shaqada laga eryi doono nimankan waxa uu ku jawaabey mr dell maxkamada ayaa go'aamineysa mustaqbalka nimankan.

HUSSEIN KEYSE

dhanaan.com

09 Sep 2010