Dhanaan.com: Warar lagu kalsoon yahay iyo faaqidaad dhexdexaad ah!

Shir hordhac iyo diyaargaroowga Saxiixa oo ka dhacay magaalada Addisababa

Shir hordhac iyo diyaargaroow ah oo loogu diyaargaroobayo heshiiska maalinta barito ah lagu kala saxiixan doono magaalada Addisababa ayaa manta niskii hore ka dhacay hoolka shirarka ee Ethiopian Hoteel oo ku yaalla badhatamaha Addisababa. Shirkan oo ay kasoo qaybgaleen wafuud aad u badan oo isugu jira madaxda ururka, maxaabiistii lasoo daayay , qurba jog iyo aqoonyahano udhashey deegaanka ayaa looga Hadley diyaargaroowga heshiiska maalinta barito ah ay dawladda Ethiopia iyo ururka UWSLF ee ka dhici doona magaalada Addisbaba.

Shirkan waxaa furey Sheekh Ibraahim oo u mahadceliyey kasoo qaybgalayaashii shirka waxuuna warbixin kooban ka dhiibey qaabka wax u socdaan iyo waxyaabaha loo baahanyahay. Sheikh Ibraahim ayaa warbixinta kadib ka jawaabay su aalo badan oo wufuuddii shirka kasoo qaybgashay.

Jaaliyaadka shirka fadhiyey waxay ka kala yimaaddeen waddamada Yurub, Ameerika, south afrika iyo Bariga Afrika iyo waliba waddamada Khaliifka.

Waxaa su aalo kadib hadalkii qaatey Sheekh Maxamed Xaaq oo kamid ahaa maxaabiistii dilka ku xidhneyd ee lasoo daayay isagoo hadalkiisii uu dhaqaajiyey waftgii kasoo qaybgalay shirka. sheekha oo dhafoorkiisu aad u wanaagsanaa ayna wajigiisa ka muuqatay cabis alle ayaa sheegey inuu ku qanacsanyahay qaddarka eebbe isagoo dhanka kalena sheegey ineysan marnaba ku xisaabtameynin in lasoo daynayo balse illaahay mahaddii maanta ay banaanka joogaan.

Waxaa intaas kadib shirka lagu soo dhaweeyey Maxamed Xiis Kalane oo warbixin ka dhiibey safarkii ay ku tageen dalka Kenya bilawgii wadahadalka kadib. Maxamed Xiis ayaa sheegey iney kulamo badan ku qabteen dalka Kenya ayna kula kulmeen dhamaan culimada, dhalinyarada iyo hooyooyinka ee udhaltey deegaanka kuna nool wadanka Kenya. Maxamed ayaa soo gudbiyey salaan iyo duco uu ka wadey dhamaan kulamadii ay la yeesheen qaybaha kala duwan ee bulshada. Jaaliyaadka Ku nool waddanka Kenya ayaa balanqaadey sida uu Maxamed yidhi iney waddankooda kusoo laabtaan isagana aaminaan.

Maxamed Xiis ayaa dhanka kale sheegey iney la kulmeen siyaasiyiinta waddanka Kenya waxayna dhamaan ka sinaaayeen taageerada ay u hayaan heshiiskaas.

Dhanka kale wafuuddii shirka kasoo qayabgalaysey ayaa illaa maannta soo gaadhaya maagalada Addisababa iyagoo kakala imaanaya daafaha adduunka iyadoo shirka maalinta barito ah ka dhacaya Addisbaba ay ku xigi doonaan shirar kale oo ka dhici doona meelo kala duwan. Shirkan oo furmey saacadda addisababa markii ay ahayd 10ka ayaa waxuu dhamaadey 11.30 waxaana loo balamay shirka maalinta barito ah ka dhici doona magaalada Addisbaba oo ay qalinka lagu duugi doono heshiiska kama danbeysta ah

09 Sep 2010